Լուրեր - Նյութերի ընտրություն

Նյութեը բաժնում: 28
Ցուցադրված նյութերը: 26-28

Էջեր: « 1 2 3 4 5 6

2012 թվականը նշանավորվեց ՄԱԿ-ին Հայաստանի անդամակցության 20-ամյակի տարեդարձով, որի ներքո տեղի ունեցան մի շարք հոբելյանական միջոցառումներ թե` Հայաստանում, թե` Նյու Յորքում: Այդ մասին ասվում է Հայաստանի ԱԳՆ-ի 2012 թվականի զեկույցում:

Սեպտեմբերի 26-ից հոկտեմբերի 1-ը ՀՀ ԱԳ նախարար Էդվարդ Նալբանդյանի գլխավորած պատվիրակությունը մասնակցել է ՄԱԿ-ի ԳԱ 67–րդ նստաշրջանին, որտեղ հանդես է եկել ելույթով եւ հանդիպել ՄԱԿ-ի Գլխավոր քարտուղարին:

2012 թվականի հունիսի 20–ին Ռիո դե Ժանեյրոյում ՀՀ ԱԳ նախարար Էդվարդ Նալբանդյանի գլխավորած պատվիրակությունը մասնակցել է ՄԱԿ-ի Կայուն զարգացման «Ռիո+20» համաշխարհային գագաթաժողովին, որին ելույթով հանդես եկավ ԱԳ նախարարը, Հայաստանը ներկայացրեց Ազգային գնահատման զեկույց: Գագաթաժողովի շրջանակներում Հայաստանի նախաձեռնությամբ քննարկումներ անցկացվեցին կայուն զարգացման չափորոշիչների նոր մեթոդաբանության վերաբերյալ:

Նոյմեբերին Հայաստանն ընտրվել է ՄԱԿ-ի Միջազգային առեւտրի իրավունքի հանձնաժողովի (2013-2019 թ.թ.)անդամ, նույն ամսին ՄԱԿ-ի ԳԱ-ն հաստատեց ՄԱԿ-ի Բաց տիեզերքի խաղաղ նպատակներով օգտագործման կոմիտեում Հայաստանի անդամակցությունը:

ՄԱԿ-ի Համընդհանուր պարբերական դիտարկման շրջանակներում մարդու իրավունքների բնագավառում ՀՀ ստանձնած պարտավորությունների իրականացման ընթացքի վերաբերյալ պատրաստվել եւ ներկայացվել է Հայաստանի Հանրապետության ազգային միջանկյալ զեկույցը:

ՅՈՒՆԵՍԿՕ-ի 2012 թ հոբելյանների ցանկում ներառվեցին Հայ տպագիր գրքի 500-ամյակը, Մեսրոպ Մաշտոցի 1650-ամյակը, Անանիա Շիրակացու 1400-ամյակը եւ Սայաթ Նովայի 300-ամյակը։

ՅՈՒՆԵՍԿՕ-ի Ոչ նյութական մշակութային ժառանգության 2012թ. ներկայացուցչական ցանկում ներառվեցին «Սասնա ծռեր կամ Սասունցի Դավիթ» էպոսի կատարողական դրսեւորումները:

Ապրիլի 23-ին «Երեւանը 2012թ. Գրքի համաշխարհային մայրաքաղաք» տարվա բացման պաշտոնական արարողությանը մասնակցելու նպատակով Երեւան այցելեց ՅՈՒՆԵՍԿՕ-ի պատվիրակությունը՝ գլխավոր տնօրենի տեղակալ Գետաչեւ Ընգիդաի եւ ՅՈՒՆԵՍԿՕ-ի 36-րդ Գլխավոր կոնֆերանսի նախագահի գլխավորությամբ:

Հոկտեմբերի 18-ից 19-ը Երեւանում տեղի ունեցավ ՄԱԿ-ի Զբոսաշրջության համաշխարհային կազմակերպության «Համամարդկային արժեքները եւ մշակութային բազմազանությունը 21-րդ դարում. Զբոսաշրջության ներդրումը» խորագրով միջազգային համաժողովը, որի արդյունքում ընդունվեց «Երեւանյան հռչակագիրը»:

ԱԳՆ հյուպատոսական վարչության եւ հյուպատոսական ներկայացուցչությունների կողմից սպասարկվել է շուրջ 127.000 քաղաքացի

2012 թվականին ստորագրվել է 82 միջազգային պայմանագիր եւ 23 միջազգային պայմանագիր չհանդիսացող փաստաթուղթ վավերացվել եւ հաստատվել է 84 եւ ուժի մեջ է մտել 52 միջկառավարական եւ միջպետական փաստաթուղթ։ Այդ մասին ասվում է Հայաստանի ԱԳՆ-ի 2012թ. զեկույցում:

2012թ. ՀՀ-ն դիվանագիտական հարաբերությունների հաստատման վերաբերյալ արձանագրություններեր են ստորագրվել 4 պետության` Տուվալուի, Գրենադայի, Մալավիի եւ Բութանի հետ:

ՀՀ ԱԳՆ նախաձեռնությամբ մշակվել եւ ընդունվել են շուրջ 50 իրավական ակտեր:

ԱԳՆ համակարգում շրջանառվել է ավելի քան 142.000 փաստաթուղթ։

ԱԳՆ կատարել է ՀՀ պետական բյուջեով նախատեսված նախարարությանը վերաբերող բոլոր ծրագրերը, կառավարության բոլոր 364 հանձնարարականները։

2012թ. ՀՀ ԱԳՆ հյուպատոսական վարչության եւ հյուպատոսական ներկայացուցչությունների կողմից սպասարկվել է շուրջ 127.000 քաղաքացի։

Տարվա ընթացքում ընդունվել են հյուպատոսական ոլորտին առնչվող մի շարք իրավական ակտեր եւ փոփոխություններ են կատարվել գործող իրավական ակտերում, որով կանոնակարգվել եւ ավելի դյուրացվել են քաղաքացիներին մատուցվող հյուպատոսական ծառայությունները:

2012թ. պարզեցվել է ՀՀ քաղաքացիություն ստանալու ընթացակարգը Սիրիայի եւ Լիբանանի քաղաքացիների համար:

Գործարկվել է «Էլեկտրոնային հյուպատոսություն» համակարգը, որի միջոցով իրկանացվում են մի շարք հյուպատոսական գործառույթներ։ Ներկայումս այդ համակարգով աշխատում են 12 դիվանագիտական ներկայացուցչություններ։ Նախատեսվում է աստիճանաբար համակարգին միացնել բոլոր արտերկրում գործող բոլոր հյուպատոսությունները։

ԱԳՆ-ն եւ դիվանագիտական ներկայացուցչությունները աջակցություն են ցուցաբերել ճգնաժամային եւ արտակարգ իրավիճակներում հայտնված ՀՀ քաղաքացիներին Հայրենիք վերադառնալու հարցում։

Յուրա Մովսիսյանի հացազրույցը

Ինչպես տեղեկաղնում է armsport.am կայքը Յուրան վճռական է տրամադրված Սլովակիայի դեմ կայանալիք մրցավեճին և հարցազրույցի ժամանակ ասել է.....

- Անդորրայի հետ խաղին դժվա՞ր էր կողքից հետևել հանդիպմանը:

- Ընդհանրապես շատ դժվար է, թե՛ ակումբում, թե՛ հավաքականում, կողքից հետևել հանդիպմանը: Ինձ համար շատ կարևոր է, որ եթե իրավունք չունեմ մասնակցել խաղին, գոնե հոգեբանորեն կարողանամ աջակցել տղաներին' հնարավորինս նպաստելով նրանց լավ ելույթին:

- Ու ի՞նչ տպավորություններ ստացար խաղից:

- Միայն դրական: Մենք շատ ճիշտ էինք տրամադրվել խաղին: Անդորրայից առաջ մենք 2 պարտություն էինք ունեցել և այս անգամ պետք է միայն դրական արդյունքի հասնեինք: Արդյունքը եղավ, իսկ խոշոր հաշիվն ավելի բարձրացրեց մեր հավաքականի ոգին:

- Առջևում Սլովակիայի հետ մրցավեճն է: Հավաքականն արդեն մարզում է անցկացրել "Ժիլինա" մարզադաշտում: Խոտածածկը հավանեցի՞ր:

- Այո, լավ խոտածածկ էր: Սկզբում մի քիչ չոր էր, բայց անձրևը փափկացրեց: Այս առումով ոչ մի խնդիր չունենք, կարող ենք դուրս գալ և խաղալ մեր ֆուտբոլը:

- Կարելի՞ է ասել, որ Անդորրայի խաղին չմասնակցելուց հետո ֆիզիկապես ավելի լավ վիճակում ես մոտենում խաղին:

- Բարդ հարց է: Կարող եմ և՛ դրական, և՛ բացասական պատասխան տալ: Ամեն դեպքում, ես խաղալու եմ այն ֆուտբոլը, որին ընդունակ եմ: Նման հանդիպումից առաջ թե՛ ես, թե՛ տղաները տրամադրվելու կամ ոգևորվելու կարիք չունենք, քանի որ շատ լավ հասկանում ենք, թե ինչքան կարևոր է Սլովակիայի դեմ հանդիպումը: Եթե մենք հասնենք հաջողության, ապա մեր խմբում շատ բան կփոխվի, և մենք ավելի կմոտենանք հայ ազգի երազանքի իրականացմանը:

- Հայաստանի հավաքականը Սլովակիային սեփական հարկի տակ հաղթելու փորձ ունի: Որքանո՞վ է իրական հաղթանակը սլովակների հարկի տակ:

- Պետք է նշեմ, որ այժմ մեր դեմ ավելի ուշադիր կխանան նրանք, քանի որ Երևանի խաղից առաջ քիչ բան գիտեին Հայաստանի մասին և միգուցե թերագնահատեցին: Բայց, տեղյակ լինելով մեր հավաքականի ներուժին, կարծում եմ, որ լավ ֆուտբոլ է լինելու, քանի որ մենք շատ լավ ենք տրամադրված խաղին: Սա ֆուտբոլ է, 11-ը 11-ի դեմ ու կհաղթի այն թիմը, որն ավելի լավ կխաղա:

- Արդեն մեկ շաբաթ է հավաքականը գտնվում է Հայաստանից դուրս: Ըստ քեզ դա հոգեբանական առումով դրակա՞ն, թե՞ բացասահական ազդեցություն է թողնում պատասխանատու մրցավեճից առաջ:

- Դա լավ է, քանի որ տղաներն ավելի հանգիստ են տրամադրվում խաղին, չկա ճնշում: Մեր մարզիչները և ղեկավարները կարողացել են մեզ ճիշտ տրամադրել այս խաղին: Ես ինքս գտնում եմ, որ չպետք է սևեռվել խաղից առաջ առկա աժիոտաժի վրա: Ես շատ լավ հասկանում եմ, որ համայն աշխարհի հայերը անհամբերությամբ սպասում են Սլովակիայի հետ խաղին: Բայց եթե ֆուտբոլիստն անընդհատ մտքերով տարվի, ապա դա ոչ մի լավ բանի չի բերի:

- Հնարավո՞ր է համեմատել Սլովակիայի հավաքականին մեր խմբի մյուս առաջատարների հետ:

- Սլովակիային դժվար է համեմատել մյուս հավաքականների հետ: Սլովակները խաղում են ֆիզիկական ֆուտբոլ և չունեն տեխնիկապես լավ պատրաստված խաղացողներ: Խաղում են շատ հասարակ ֆուտբոլ, որին շատ ճիշտ պատրաստվել ենք և գիտենք թե ինչի են ընդունակ: Իրոք բարդ է Սլովակային համեմատել Ռուսաստանի կամ Իռլանդիայի հետ: Ռուսները և իռլանդացիները ևս ֆիզիկական ֆուտբոլ են խաղում, բայց ունեն նաև տեխնիկապես լավ պատրաստված տղաներ:

1-5 6-10 11-15 16-20 21-25 26-28