Քաղաքական - Լուրեր - Նյութերի ընտրություն

Գլխավոր էջ » Ֆայլեր » Լուրեր » Քաղաքական

Նյութերը ենթաբաժնում: 14
Ցուցադրված նյութերը: 1-5

Էջեր: 1 2 3 »

Դասավորել ըստ: Ամսաթվի · Անվանման · Վարկանիշի · Մեկնաբանությունների · Բեռնումների · Դիտումների

Հայաստանի և Վրաստանի բարիդրացիական հարաբերությունները...

Ապրիլի 12-ին կայացավ ԱԳ նախարարի պաշտոնակատար Էդվարդ Նալբանդյանի և Վրաստանի ԱԳ նախարար Մայա Փանջիկիձեի հանդիպումը, ով Երևան է ժամանել պաշտոնական այցելությամբ:

Ողջունելով հյուրին՝ Էդվարդ Նալբանդյանը գոհունակությամբ նշեց, որ հայ-վրացական բարիդրացիական հարաբերությունները գտնվում են բարձր մակարդակի վրա, ինչի մասին են վկայում քաղաքական երկխոսության պարբերական բնույթը, ընդլայնվող առևտրատնտեսական շրջանառությունը, ակտիվ հումանիտար կապերը։ Նա ընդգծեց, որ համաձայն ձեռք բերված պայմանավորվածության երկու երկրների ԱԳՆ ղեկավարների հանդիպումները հաճախակի բնույթ են կրում, ինչը զգալիորեն նպաստում է հարաբերությունների զարգացմանը։

Շնորհակալություն հայտնելով հրավերի համար՝ նախարար Փանջիկիձեն ընդգծեց, որ Վրաստանի իշխանությունները հետևողական են բարեկամ Հայաստանի հետ համագործակցության առավել սերտացմամբ և իր պաշտոնական այցելությունը հենց այդ տրամաբանության մեջ է։

Հանդիպման ընթացքում Հայաստանի և Վրաստանի արտաքին քաղաքական գերատեսչությունների ղեկավարները հանգամանալից քննարկեցին ս.թ. հունվարին վարչապետ Բիձինա Իվանիշվիլիի Երևանում Հայաստանի ղեկավարության հետ կայացած հանդիպումներին ձեռք բերված պայմանավորվածությունների իրականացման ընթացքը, անդրադարձան տնտեսական փոխգործակցության ընդլայնման, հումանիտար ոլորտում փոխանակումների խթանման հարցերին, մտքեր փոխանակեցին հայ-վրացական հարաբերությունների օրակարգային մի շարք այլ հարցերի և դրանց լուծման ուղղությամբ ձեռնարկվող համատեղ քայլերի շուրջ։

Զրուցակիցներն անդրադարձան միջպետական սահմանի սահմանազատման գործընթացին, այդ նպատակով ստեղծված աշխատանքային խմբի գործունեությանը:
Բանակցությունների օրակարգում էին վիրահայությանը հուզող խնդիրները և դրանց լուծման նպատակով Վրաստանի իշխանությունների կողմից իրականացվող քայլերը։

Էդվարդ Նալբանդյանն ու Մայա Փանջիկիձեն քննարկեցին միջազգային կազմակերպություններում երկու երկրների փոխգործակցության, ԱԳՆ-երի ստորաբաժանումների միջև խորհրդատվությունների ժամանակացույցին վերաբերող հարցեր։

Հայաստանի և Վրաստանի արտաքին քաղաքական գերատեսչությունների ղեկավարները մտքեր փոխանակեցին տարածաշրջանային խնդիրների շուրջ։
Պայմանավորվածություն ձեռք բերվեց նախարարների հաջորդ հանդիպումն
իրականացնել մայիս ամսին։

Այս մասին տեղեկացնում է ՀՀ ԱԳՆ-ն:

Ինչպիսի տեսք ունի աշխարհի ամենաթանկ ավտոմեքենան:Գինը 38 մլն $ է

Սա 1936 Bugatti Type 57SC Atlantic –ն է: Բոլորովին վերջերս այն աուկցիոնում վաճառվել է $38 միլիոն դոլլարով: Ավելի վաղ այն պատկանում էր կոլեկցիոներ Փիթեր Ուիլյամսոնին:
Այս մեքենայի շարժիչը 200 ձիաուժ հզորություն ունի, իսկ մաքսիմալ արագությունը 200 կմ/ժ է: Այն համարվում է պատմության առաջին սուպերմեքենան:
Մեքենայի դիզայնի հեղինակը անձամբ ինքը՝ Ժան Բուգատտին է:

Մահվան ելքով ավտովթարի մեղավորի BMW-ն գրանցված է երգիչ Արամեի անունով

Ոստիկանության քննչական գլխավոր վարչության Տավուշի մարզի քննչական բաժնի Դիլիջանի քննչական բաժանմունքի ավագ քննիչ Հովիկ Վարդանյանի կողմից Սասուն Օթարյանի նկատմամբ որպես խափանման միջոց է ընտրվել ստորագրությունը հանրապետությունից չբացակայելու համար:
Ինչպես ավելի վաղ հայտնել էր ֆոտոլրագրող Գագիկ Շամշյանը, Ոստիկանության քննչական գլխավոր վարչության Տավուշի մարզի քննչական բաժնի Դիլիջանի քննչական բաժանմունքի ավագ քննիչ Հովիկ Վարդանյանի կողմից հարուցվել է քրեական գործ ՀՀ քր. օր.-ի 242 հոդվածի 2-րդ մասի (Ճանապարհային երթևեկության և տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ) և 244 հոդվածի (Ճանապարհատրանսպորտային պատահարի վայրը թողնելը) հատկանիշներով:
Ինչպես Դիլիջանից հայտնել էր ֆոտոլրագրող Գագիկ Շամշյանը, նշված քրեական գործը հարուցվել է մարտի 3-ին անհայտ մակնիշի և համարանիշի ավտոմեքենայի վարորդի կողմից Դիլիջան քաղաքի Սայաթ-Նովայի 65 հասցեի՝ նախկին շին. տրեստի մոտ Դիլիջանի բնակիչ 52-ամյա Հովհաննես Սանթրոսյանին վրաերթի ենթարկելու փաստով:
Ֆոտոլրագրողը հայտնել էր, որ մարտի 3-ին՝ ժամը 23:00-ի սահմաններում, ոստիկանության Դիլիջանի բաժին ահազանգ էր ստացվել քաղաքացիների կողմից, որ Սայաթ-Նովայի նշված հատվածում մահացած տղամարդու դի կա:
Նշված վայր էին մեկնել ոստիկանության Դիլիջանի բաժնի օպերատիվ խումբը՝ Դիլիջանի ոստիկանապետ, ոստիկանության գնդապետ Սեյրան Մարտիրոսյանի գլխավորությամբ:
Տեղում էին նաև Ճանապարհային ոստիկանության 2-րդ սպայական գումարտակի 3-րդ վաշտի աշխատակիցները՝ վաշտի հրամանատար Սերգեյ Հակոբյանի, վաշտի հրամանատարի տեղակալ Կարեն Մատինյանի գլխավորությամբ:
Նույն պահին Դիլիջանի ոստիկանապետի կողմից ստեղծվել էին օպերատիվ-հետախուզական խմբեր, որոնցից մի խումբը զբաղվում էր վրաերթի ենթարկվածի ինքնության պարզմամբ, իսկ մյուս խումբը՝ վրաերթ կատարած և փախուստի դիմաց վարորդին և ավտոմեքենան հայտնաբերելու ուղղությամբ:
Բացահայտման աշխատանքներն ավելի էին դժվարանում, քանի որ ոչ մի հետք վրաերթի վայրում չկար, և միայն լուսաբացին օպերատիվ-հետախուզական տեղեկություններն իրացնելով, նշված վրաերթը կատարելու կասկածանքով Դիլիջանի ոստիկանները բաժին են բերման ենթարկում Դիլիջան քաղաքի Կամարինի 52 տան բնակիչ, 26-ամյա Սասուն Օթարյանին, ով ոստիկանությունում սկզբում փորձում էր հերքել իր կողմից կատարված մահվան ելքով վրաերթը, սակայն երբ հարազատների միջոցով տեղեկանում է, որ ոստիկաններն արդեն հայտնաբերել են իր կողմից վարած BMW մակնիշի 91 ՈՈ 111 համարանիշի ավտոմեքենան, խոստովանում է կատարվածը:
Դիլիջանի ոստիկանները հայտնաբերված BMW-ն տեղափոխել են Ոստիկանության Դիլիջանի բաժնի հատուկ պահպանվող տարածք:
Ֆոտոլրագրողը հայտնում է, որ նշված ավտոմնեքենան հաշվառված է ճանաչված երգիչ Արամեի անունով, ով վաճառել է նշված մեքենան, սակայն մինչև այս պահը անվանափոխություն չի կատարվել:

Խոշոր ավտովթար՝ Իսակովի պողոտայում:

Այսօր՝ մարտի 2-ին, խոշոր ավտովթար է տեղի ուենցել Երևանում: Ժամը 8:00-ի սահմաններում Իսակովի պողոտայում բախվել են Երևան քաղաքի բնակիչ 29-ամյա Կառլեն Միրզոյանի վարած «Մերսեդես Բենս» մակնիշի 28 ՍԼ 916, Արցախի Հանրապետության Ստեփանակերտ քաղաքի բնակիչ, 63-ամյա Վագիս Հակոբյանի վարած «Օպել Վեկտրա» մակնիշի 30 ՍՍ 690 և «Լադա Սենս» մակնիշի 13 ՍՕ 385 համարանիշի ավտոմեքենաները:

Ինչպես վթարի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների, վթարի վայրից 4 հոգի տեղափոխվել է Էրեբունի բժշկական կենտրոն:
Դեպքի վայր են ժամանել ճանապարհային ոստիկանության 1-ին սպայական գումարտակի 4-րդ դասակի աշխատակիցները:

Դեպքի վայր է ժամանամում ոստիկանության գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչը:
Ոստիկանությունը պարզում է հիվանդանոց տեղափոխված անձանց և «Լադա Սենս» մակնիշի վարորդի ինքնությունը:

Հավաքվածները ֆոտոլրագրողին հայտնել են, որ «Լադա Սենս» մակնիշի ավտոմեքենան վարել է Ոստիկանության ակադեմիայի կուրսանտ, որի մեջ եղել են այլ կուրսանտներ ևս, և հենց նրանք են հիվանդանոց տեղափոխվածները:

Կարճ ժամանականում վթարի վայր են ժամանել «Նաիրի ինշուրանս» ապահովագրական ընկերության աշխատակիցները:

Դիտեք նկարները'

Բնակչուհու բողոքում է սխալ ընտրացուցակներից

Դիտեք վիդեոն և ինքներդ կատարեք ձեր եզրակացությունը...

1-5 6-10 11-14