Ռուսաստանի ֆուտբոլի ազգային հավաքականի գլխավոր մարզիչ Ֆաբիո Կապելլոն հայտարարել է, որ հնարավոր չէ կրկնօրինակել «Բարսելոնի» խաղաոճը:

«Այսօր ֆուտբոլում նորաձևությունը թելադրում է «Բարսելոնը»: Շատերն են ձգտում կրկնօրինակել այդ թիմի խաղաոճը, սակայն դա սխալ է: Որովհետև այդպես խաղալու համար պետք է քո տրամադրության տակ լինեն միայն «Բարսելոնի» ֆուտբոլիստները:

Այդ թիմի խաղացողների գործողություններով շատերն են հիանում, և ես բացառություն չեմ: Այն, թե ինչպես նրանք, կորցնելով գնդակը, անմիջապես նետվում են այն խլելու, անհավանական է:

Ես երբեք նման բան չեմ տեսել: Բայց կրկնում եմ ևս մեկ անգամ. «Բարսելոնի» խաղաոճը քո թիմին հարմարեցնելու համար պետք են նույնպիսի տաղանդներ, ինչպիսիք են Մեսսին ու Ինյեստան, իսկ նմաններին գտնելը դժվար է»,-Կապելլոյի խոսքերը մեջբերել է «Football Espana»-ն:

BBC-ի հաղորդմամբ, Մեծ Բրիտանիայում ուժեղ ցրտերի և ձնաբքի հետևանքով փակվել է շուրջ 300 դպրոց: Նորֆոլք կոմսությունում փակվել է ավելի քան 260 դպրոց: Ուսումնական հաստատությունները շարունակվում են փակվել նաև Անգլիայի կենտրոնական և հյուսիսային մասերում, նաև Շոտլանդիայի հարավում:

Ամենացածր ջերմաստիճանը պահպանվում է Նորֆոլքում՝ մինչև 13 աստիճան ցուրտ (Ցելսիսուսի սանդղակով): Ուժեղ ձնաբուքը խափանել է նաև տրանսպորտի աշխատանքը: Որոշ շրջաններում ձյան ծածկույթը հասնում է 17 սանտիմետրի: Մեծ Բրիտանիայի համար, որտեղ ձյուն շատ հազվադեպ է գալիս, նման մթնոլորտային երևույթները իրական խնդիր են: Ավտոճանապարհների կառավարման ազգային գերատեսչությունը տրամադրել է 500 միավոր հավելյալ տեխնիկա:

Օդերևութաբանների կանխատեսմամբ՝ թագավորության տարածքի մեծ մասում ցածր ջերմաստիճանը կպահպանվի մինչ հունվարի վերջ:

Չինացի դերասան Ջեքի Չանը գրանցվել է Գինեսի ռեկորդների գրքում։ Ըստ «МИР 24» հեռուստաալիքի, պատճառը «Աստծու զենքուզրահը. «Զոդիակ» առաքելությունը» նոր ֆիլմն է։ Բանն այն է, որ Ջեքի Չան ազգանունը ֆիլմի տիտրերում հայտնվում է ոչ ավելին ոչ պակաս 15 անգամ։ Դերասան, կասկադյոր, ռեժիսոր, պրոդյուսեր, մարտական տեսարանների մարզիչ, կոմպոզիտոր… - ամենը չես նշի։ Ասում են, որ Ջեքին նույնիսկ նկարահանումների դեկորացիաներն է անձամբ տեղափոխել։

Հիշեցնենք, որ «Աստծու զենքուզրահը. «Զոդիակ» առաքելությունը» նոր ֆիլմը 1990-ականների սկզբի մարտաֆիլմի շարունակությունն է, թեեւ միանգամայն ինքնուրույն ֆիլմ է, նախորդների հետ կապ չունեցող։

ՀՀ նախագահի թեկնածու, ԱԻՄ նախագահ Պարույր Հայրիկյանի նկատմամբ մահափորձը կատարվել է հունվարի 31-ին ժամը 23.30-ի սահմաններում Երեւանի Տպագրիչների 9 հասցեում: Այս մասին NEWS.am-ը տեղեկացավ Ոստիկանության մամուլի ծառայությունից:

Ինչպես ավելի վաղ տեղեկացրել է NEWS.am-ը, մահափորձ է եղել Հայաստանի նախագահի թեկնածու, ԱԻՄ նախագահ Պարույր Հայրիկյանի դեմ:

Դեպքը տեղի է ունեցել Տպագրիչների փողոցում, իր տան դիմաց: Ըստ նախնական տեղեկությունների՝ Պարույր Հայրիկյանը հրազենային վնասվածք է ստացել աջ անրակի շրջանում: Նա տեղափոխվել է «Գրիգոր Լուսավորիչ» բժշկական կենտրոն:

Ներկայումս դեպքի վայրում աշխատում են ոստիկանները: Դեպքի վայրում են նաեւ ՀՀ ոստիկանապետն ու այլ բարձրաստիճան իրավապահներ:

«Գրիգոր Լուսավորիչ» են ժամանել ՀՀ վարչապետը, առողջապահության նախարարը:

Վերջին տվյալներով Հայրիկյանը գիտակցությունը չի կորցրել, բայց նրա վիճակը միջին ծանրության է գնահատվում: